គ្រីស្ទបរិស័ទគណៈនិកាយប្រូតេស្តង់កម្ពុជា ស.គ.ប.ក ខេត្ត បន្ទាយមានជ័យ មានចំនួន១០០០រូប មានការចង់ដឹងពីសភាពការរបស់ប្រទេសជាតិ និងចង់បានអនុសាសន៍ពី ឯកឧត្តម អ៊ុង ទី ក្នុងការរួមរស់ឲ្យបានប្រសើរក្រោមម្លប់សន្តិភាពរបស់ សម្តេចតេជោ

សូមគោរពជូនបងប្អូនរួមជាតិនិងជូនជាពត៌មានថា នៅថ្ងៃពុធ ទី២៣ ខែកក្កដា ឆ្នាំ២០២៥ ឯកឧត្តម អ៊ុង ទី ប្រធានសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា ស.គ.ប.ក បានចុះទៅក្រុងសេរីសោភ័ណ ខេត្តបន្ទាយមានជ័យ តាមការអញ្ជើញរបស់លោកគ្រូគង្វាលនិងតំណាងសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា ស.គ.ប.ក ដែលមានជំនឿជឿលើសាសនាគ្រីស្ទ គ្រប់ស្រុក/ក្រុងក្នុងខេត្តបន្ទាយមានជ័យ ដែលមានចំនួន១០០០រូប ក្នុងការចង់ដឹងពីសភាពការរបស់ប្រទេសជាតិ និងចង់បានអនុសាសន៍ពី ឯកឧត្តម អ៊ុង ទី ក្នុងការរួមរស់ឲ្យបានប្រសើរក្រោមម្លប់សន្តិភាពរបស់ សម្តេចតេជោ ព្រោះថាក្នុងបច្ចុប្បន្ននេះមានពត៌មានប្លែកៗនិងជាពត៌មានមិនពិត ដែលបានលឺពីពួកអមិត្ត តាមរយៈហ្វេសប៊ុក តាមយូរធូប និងបញ្ហាដីធ្លី បញ្ហារកស៊ី និងការរស់នៅដ៏ចង្អៀត ពីមន្ត្រីឆ្លៀតឱកាសធ្វើឲ្យបងប្អូនគ្រីស្ទបរិស័ទមានការខកចិត្ត។
អរគុណសន្តិភាពនិងអភិវឌ្ឍន៍
សូមព្រះប្រទានពរ