កិច្ចប្រជុំប្រចាំខែមីនា ថ្នាក់ដឹកនាំសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាតំណាងខេត្តក្រុង ស្រុក(បន្ទាយមានជ័យ)

កិច្ចប្រជុំប្រចាំខែមីនា ថ្នាក់ដឹកនាំសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាតំណាងខេត្តក្រុង ស្រុក(បន្ទាយមានជ័យ)

ថ្ងៃចន្ទ ៤រោច ខែផល្គុន ឆ្នាំរោង ឆស័ក ២៥៦៨ ត្រូវនឹងថ្ងៃទី ១៧ ខែមីនា ឆ្នាំ ២០២៥
កិច្ចប្រជុំប្រចាំខែមីនា ថ្នាក់ដឹកនាំសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាតំណាងខេត្តក្រុង ស្រុក(បន្ទាយមានជ័យ)
+ វត្តមានអ្នកចូលរួម
. គោត្តនាម-នាម     ភេទ    តួនាទី
១. ស្រី សុវណ្ណារិទ្ធ  ប្រុស    តំណាងខេត្ត
២. តឹង សុផល      ប្រុស    អនុប្រធានខេត្ត
៣. ពុំ ស៊ីណាត      ប្រុស    ក្រុងសិរីសោភ័ណ្ឌ
៤. ពេជ្រ រស្មីពណ្ណារាយ ប្រុស ក្រុងប៉ោយប៉ែត
៥. យិប យន់         ប្រុស    ស្រុកមង្គលបូរី
៦. លឹម ប៊ុនធាង    ប្រុស    ស្រុកស្វាយចេក
៧. សុខ អ៊ន់          ប្រុស    ស្រុកថ្មពួក
ទីកន្លែងនៃកិច្ចប្រជុំប្រារព្ធនៅភូមិក្ដិបថ្ម ឃុំគោករមៀត ស្រុកថ្មពួក ខេត្តបន្ទាយមានជ័យ
កិច្ចប្រជុំចាប់ផ្ដើមពីម៉ោង 3:00រសៀល ដល់ម៉ោង 5:00 ល្ងាច
ក្រោមប្រធានបទ ការរួបរួមថ្នាក់ដឹកនាំដំណាងសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា  គោលបំណង ចង់ឃើញថ្នាក់ដឹកនាំ ដំណាងសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជា រួបរួមគ្នា ទំនាក់ទំនងល្អ ផ្លាស់ប្ដូរបទពិសោធន៍ បំពេញការងារដោយមានប្រសិទ្ធភាព ជួយគ្នាដោះស្រាយពីបញ្ហាប្រឈមផ្សេងៗ …..។
លោកស្រី សុវណ្ណារិទ្ធ តំណាង ស.គ.ប.ក ខេត្តបន្ទាយមានជ័យបានមានប្រសាសន៍ ស្ដីអំពីសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាមានច្បាប់ទម្លាប់ត្រឹមត្រូវដោយបានតម្កល់នៅក្រសួងមហាផ្ទៃ ក្រុមការងារត្រូវមានទំនុកចិត្តក្នុងការបំពេញការងារ ដោយពឹងផ្អែកទៅលើ ឯកឧត្តម អ៊ុង ទី ដែលជាប្រធានតំណាងឲ្យសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាប្រចាំប្រទេសកម្ពុជា។
លោកទឹង សុផល អនុប្រធានតំណាងឲ្យសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាប្រចាំខេត្តបន្ទាយមានជ័យបានមានប្រសាសន៍តដោយមានមតិចូលរួមសូមឲ្យក្រុមការងារទាំងអស់រួបរួមគ្នា ពេលមានសមាជិកណាម្នាក់ស្លាប់ រៀបមង្គលការ ឡើងផ្ទះ  ពេលមានអាសន្នឬបញ្ហាប្រឈមផ្សេងៗសូមផ្ដល់ព័ត៌មានមកកាន់ក្រុមការងារដើម្បីជួយគ្នា។

លោកសុខ អ៊ន់ តំណាងឲ្យសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាប្រចាំស្រុកថ្មពួក បានផ្ដល់ព័ត៌មាននិងមានប្រសាសន៍អំពីបញ្ហាប្រឈមរបស់គាត់ដែលជាថ្នាក់ដឹកនាំនៅទីនោះកំពុងតែជួបប្រទះផ្ទាល់ ក្នុងការងារនៅក្នុងសហគមន៍គ្រីស្ទបរិស័ទគណៈនិកាយប្រូតេស្តង់កម្ពុជាប្រចាំស្រុកថ្មពួក។

មតិរួមសម្រេចជ្រើសរើសទីកន្លែងដែលត្រូវធ្វើកិច្ចប្រជុំប្រចាំខែមេសា ឆ្នាំ ២០២៥ ដោយសម្រេចយកនៅថ្ងៃទី ២១ ខែមេសាឆ្នាំ ៣០២៥ នៅក្រុងប៉ោយប៉ែត ដោយលោកគ្រូ ពេជ្រ រស្មីពណ្ណារាយ ជាម្ចាស់ទីកន្លែង ដែលត្រូវទទួល ពេលវេលាម៉ោង 2:00 រសៀល ដល់ម៉ោង 4:00 រសៀល ។
ក្រោយពីកិច្ចប្រជុំដោយមានបរិយាកាសរីករាយ និងការលើកទឹកចិត្តគ្នាទៅវិញទៅមកកិច្ចប្រជុំទាំងមូលបានបញ្ចប់ដោយរលូននិងប្រកបដោយព្រះពរ។